(၃၂)

မောင်ထိန်လင်း(မြို့သာ)……………… မှာသောက်မိတဲ့ စကားလုံးတွေ

လွတ်လပ်လှိုင်း(၂၃.၂.၂၀၁၈)

 

ခံယူထားတဲ့ လက်ဖက်ရည်ဆိုင်ထဲ
နှင်းမှုန်တော ထိုးခွဲပြီး
ကုပ်ကုပ်လေး နေရာယူလိုက်တယ်
နီကျင့်ကျင့် တမတ်ခွက်ကြီး
ဈေးတွက်တွက်နေဦးမှာလား
လျှာအလုပ်၊ ဦးနှောက်အလုပ်
ဘယ်ဒင်း အရင်လုပ်မိသလဲ
အာကျယ်သူက ဦးဆောင်တယ် ဆိုရင်ပဲ
… အလိုလိုငယ်သားတွေဖြစ်သွားကြ

တခါတလေများ
ဒီကုန်းမြင့်လေး ဗျူဟာမြောက်တယ်ဆိုပြီး
အတင်းဝင်သိမ်းပိုက်တာမျိုး ခံရ
သမ္ဘာက စကားပြောတယ်လေ
ပဲစဉ်းငုံတွေ နွားကျွေးလိုက်တယ်

ဒီအချိန်က ခုလတ် အချိန်
ရေမလောင်းတာတောင်
သုံးလေးရက်မှာ တောထနေတဲ့ မြက်စိုက်ခင်း
မနေ့က လာတဲ့ အစိမ်းလူကြီးရဲ့ ရက်ရောမှု

ဒီတက္ကသိုလ်ဆင်းဆိုရင်
လူချမ်းသာ စာရင်းဝင်နိုင်တယ်
လွှတ်တော်အမတ်တွေနဲ့
ငယ်ပေါင်းကြီးဖော်ကို ငေးကြည့်နေရတယ်

ဈေးသည်ဆိုင်ကယ် ဆွံ့အသွားချိန်
ပဲပြုတ်တောင်းလေး သုတ်ခြေတင်သွားရ
ဆွမ်းခံကြေးစည် ပိုမူးသွားပြီး
နွားလှန်ကြိုး၊ နွားလှန်ငုတ်တွေ
မျက်လုံးတွေကို ထိုးစိုက်ချည်နှောင်ထားခဲ့ပြီ

နှစ်သောင်းကျော် ကွမ်းရွက်ဈေး
သွားဖွေးဖွေး ရယ်ပြနေတယ်

တစပ်တည်း ငါးဧကပိုင်ရင် တွင်းပိုင်ဖြစ်နိုင်တယ်
ရေထွက်မထွက်ကတော့
ပုံး မ, ကြည်လည်း မတတ်နိုင်ဘူး

နယ်သာလန်နို့အေးစက်ရုံက
ပါဝါမီတာကို ပါဝါပြနိုင်ရင်တော့
နွေမှာ အသက်ရှူချောင်နိုင်လောက်ပါရဲ့

ဘယ်သင်္ချိုင်းမြှုပ်မြှုပ်
ပြန်မရှင်နိုင်တဲ့ အလောင်းတွေကြောင့်
…. သက်ငယ်မုဒိန်းမှုဟာ သေဒဏ်ပေးသင့်တယ်လေ

နေ တဖြည်းဖြည်း ရင့်လာတော့
စကားလုံးနှင်းကွဲကုန်တယ်
ငါတော့
အစိမ်းလိုက် ချရေးမိတယ်။

(၃၁)

 

မောင်ထိန်လင်း(မြို့သာ)……………….. မင်္ဂလာဆောင်ကြမယ်

Family life မဂ္ဂဇင်း(ဧပြီလ၊ ၂၀၁၇)

 

တဦးနဲ့တဦး

ကြည်​နှူးရွှင်​ပြ

မေတ္တာမျှကြတာ မင်္ဂလာ​ပေါ့။

 

သွေးဆာရက်​စက်​

အမူအယာနဲ့

စကားလုံး​တွေနဲ့

လက်​နက်​အမျိုးမျိုးနဲ့

အာဏာတန်​ခိုးနဲ့

လူ့တန်​ဖိုး ခိုးဆိုးလုနှိုက်​တာ

အမင်္ဂလာ​ပေါ့။

 

ကမ္ဘာ

အ​ရှေ့ခြမ်းနဲ့ အ​နောက်​ခြမ်း

နိုင်​ငံ

အထက်​ပိုင်းနဲ့ ​အောက်​ပိုင်း

မြို့ရွာ

မြို့တွင်းနဲ့ မြို့ပြင်​

အဆင်​​ပြေ​လက်​ဆက်​​ပေါင်းဖက်​နိုင်​ပါ​စေ။

 

တိတ်​တခိုး​ပေါင်းသင်း

မရိုးသားခြင်း​တွေ ကင်းစင်​

လောကတခွင်​ မားမားမတ်​

သစ္စာ​မြောက်​ချစ်​တတ်​သူ​တွေအဖြစ်​

ဂုဏ်​ယူနိုင်​​အောင်​

မင်္ဂလာ​ဆောင်​ကြမယ်​…..

စကြ၀ဠာကို ဖိတ်​ကြားမယ်​။

 

မောင်​ထိန်​လင်း(မြို့သာ)

၁၉.၂.၂၀၁၇ မနက်​ ၅း၀၉နာရီ

(၃၀)

 

မောင်ထိန်လင်း(မြို့သာ)…………………… ဘာ့ကြောင့်များ

လွတ်လပ်လှိုင်း(၇.၆.၂၀၁၈)

 

.

နိဒါန်းဆည်းဆာ ထင်ခဲ့
ဘာကြောင့်များ လင်းကြက်မတွန်နိုင်တာလဲ၊

ကျေးငှက်သာရကာ နားစွင့်
ဘာကြောင့်များ အရင်လို ခွန်းမချိုတာလဲ၊

အလင်းပျို့ ရောင်ခြည်ဦးမှာ
ဘာကြောင့်များ ရွှေရည်မဖူးတာလဲ၊

ကားကူးကားဆက် သိမ်သိမ်မွေ့မွေ့

ဘဝသရုပ်ဖော် ပြတ်ပြတ်ထင်ထင်
မျက်မြင်အရုပ်ချပ်တွေ မသိမသာ

လက်ငင်းဆာလောင်မှုများ ဆက်သ
ဝါးမြိုသွားတဲ့ လောင်စာတွေ
ဘာကြောင့်များ ထစ်အသွားတာလဲ၊

ကြိုးတိုက်ရဲ့ ကဗျာနောက်ဆုံးပိုဒ်
ဘာ့ကြောင့်များ အလံဖြူ မစိုက်တာလဲ၊

နှလုံးသား ပြည်အိုင်းနာနဲ့လေ။

(၂၉)

မောင်ထိန်လင်း(မြို့သာ)…………… ပလက်ဖောင်းပေါ်က အိမ်ကလေးများ

ပေါ်ပြူလာ(၁၁.၆.၂၀၁၈)

 

လူကပဲ ကျူးတာလား

ကျူးကပဲ ကျူးတာလား…..

ပလပ်ဖောင်းကို ခေါင်းအုံးအိပ်

ဆေးရုံကို ဖက်လုံးလုပ်

လမ်း ၃၀ နဲ့ လက်ဆက်ပေါင်းသင်း

ကြီးပြင်းလူလားမြောက်ခဲ့ပြီ။

 

ဘ၀မှာ

ပူပင်စရာများများစားစားမရှိဘူး…..

ခင်းစရာ ပုဆိုးစုတ်လေးဟာ မိဘရင်ခွင်

ခြုံစရာ စောင်စုတ်လေးဟာ ချစ်သူရင်ခွင်

အကြိမ်ကြိမ် ချပြရဲတဲ့ ပိုင်ဆိုင်မှုမှန်သမျှဟာ

ကြွပ်ကြွပ်အိတ်တစ်လုံးစာရှိတယ်။

 

မိုးလင်းချင်တဲ့ အချိန်မှ ထ လင်းခွင့်နဲ့

ဆန္ဒကို ဥပက္ခာပြုခွင့် တရားဝင်လက်မှတ်

ဘ၀ကို ကန့်သတ်ပစ်လိုက်တယ်…..

ကြည့်လေ….

သက်ဝင်လှုပ်ရှားနေတဲ့ လမ်းမနဲ့

ပူလောင်ဆူပွက်နေတဲ့ ဆေးရုံကြားမှာ

ကောင်းကင်ဘုံရောက် ဘိန်းသမားတစ်ယောက်လို

နာရီလက်တံရှည်တွေ ကွေးကောက်ပစ်နိုင်တယ်။

 

မေးကြည့်တယ်….

မနက်ဖြန် ကို သိသလားလို့…..။      ။

 

မောင်ထိန်လင်း(မြို့သာ)

၃.၂.၂၀၁၇ ၈း၄၁ မနက်

(၂၈)

 

မောင်ထိန်လင်း(မြို့သာ)…………………. သင်္ကြန်ကို ကျော်လွန်၍

သူရိယအလင်း(၂.၅.၂၀၁၈)

 

ကြံရည်ခွက်ထဲ ပြုတ်ကျသွားတဲ့ ယင်ကောင်တွေ

တစ်လောင်း

နှစ်လောင်း

သုံး လေးလောင်း

ဘယ်နေရာ ခေတ်မကောင်းတာလဲ ပြောခဲ့ဦး။

 

တဲအပြင်ထွက်တော့ မိတ်ကပ်အဖွေးသား

သလုံးသား ဝဲစို ဝဲခြောက်

ကမောက်ကမဝတ္ထုတွေ ခံစားဖူးပါရဲ့

ခုထိ ခေတ်မီနေတုန်း။

 

ပျော်ချင်ရင် ဘရိတ်ကလေးနဲ့ ပျော်ပေါ့

တိုင်းပြည်ကိုတော့ အရှိန်ကလေးနဲ့ မောင်းနှင်ပေါ့

သရုပ်ပျက်ကိုပဲ မော်ဒန်အမည်တပ်နေတော့

မော်ဒန်တိုင်းပြည်က မော်ဒန်လူတန်းစား

မော်ဒန်လူတန်းစားမှ မော်ဒန်အတွေးအခေါ်

မော်ဒန်အတွေးအခေါ်မှ မော်ဒန်သိမှုပညာ

ဘယ်နေရာက စ ဘယ်နေရာဆုံးမှာလဲ ပြောခဲ့ဦး။

 

စစ်တစ်ပွဲပြီး အလောင်းကောက်

ပွဲတစ်ပွဲပြီး အမှိုက်ကောက်

ဒါပဲ မက်လောက်စရာမဟုတ်လား။

(၂၄)

မောင်ထိန်လင်း(မြို့သာ)……………….. မန္တလေးမြို့ပေါ်က လက်ဖက်ရည်ဆိုင်ယဉ်ကျေးမှု

စံတော်ချိန်(၂.၁၂.၂၀၁၆)

 

ပုလင်းသံ ခွက်သံ ချီးယားသံတွေ

စီစီညံနေတဲ့ကြားမှာ

နှလုံးသားထဲအထိ စိမ့်ဝင်နေတဲ့

ယဉ်ကျေးမှု

မန္တလေးရဲ့ပြယုဂ်တစ်ခုအနေနဲ့

ဆယ်စုနှစ်လေးငါးခုမက

အခြေချထားပြီ…..

အတည်တကျ တသားတည်း

ခွဲခြားလို့မရ

များလှတဲ့ဝန်ဆောင်မှုတွေ

ထမ်းရွက်

လက်ဖက်ရည်တစ်ခွက်နဲ့

စီးပွားရေး

လူမှုရေး

နိုင်ငံရေး

စာပေရေးရာအထွေထွေ

အဆင်ပြေစေခဲ့တယ်။

 

ကားဈေးအတက်အကျ

သိချင်လား

ပွဲစားတွေ ထိုင်တဲ့ဝိုင်းသွား၊

ရပ်ကွက်ထဲမှာ ဘာတွေဖြစ်နေသလဲ

သဲသဲကွဲကွဲ သိချင်… လာ

နိုင်ငံရေးဝေါဟာရ

အဘိဓာန်၊အတွေးစ

မျက်မှောက်ကာလ၊ အစုံအလင်…..

ကဗျာတွေ

စပ်ကြ၊ ရွတ်ဖတ်၊ ငြင်းခုန်

စာပေမျိုးစုံ၊ ပန်းပေါင်းစုံပွင့်…..

နေရာထိုင်ခင်း

စိတ်ကျဉ်းကြပ်စရာ မလို

အခန်းငှားခ မလို

ဈေးကွက်စီးပွားရေး အရွေ့

နဖူးတွေ့ ဒူးတွေ့ ထင်လင်း၊

မြန်မာ့သတင်း ကမ္ဘာ့သတင်း

ငြင်းခုန်စရာ၊

စာပေရသ ဝေမျှစရာ၊

နေရာလေးတစ်ခု

နောင်ရာစုနှစ်မက

အခြေကျနေဦးမှာပါ။

(၂၃)

မောင်ထိန်လင်း(မြို့သာ)…………….. မျိုးချစ်ရခြင်းအကြောင်း

ပြည်ချစ်သား(၂၆.၁၁.၂၀၁၆)

 

ဂလိုဘယ်လိုက်ဇေးရှင်း

ပေါက်ကွဲခြင်းအဆင့်ဆင့်

ရူပဗေဒပညာ ရင့်မှည့်လာတော့

ရေစီးဟာ ကြမ်း ကြမ်းလာတယ်။

 

အလှဒဿနမှာ

ယဉ်ကျေးမှုပဋိပက ဖြစ်

စိန်ခေါ်မှုအသစ်တွေကြားမှာ

ရိုးဂုဏ်ပျောက်သွားမှာ စိုးကြ။

တွဲရေး ခွဲရေးမှာ

စီးမျောရမှာလား၊

တသားတည်းလား၊

တန်းညှိမှာလား၊

လက်ခံနိုင်ဖွယ်အသစ် ထွင်မှာလား၊

လား… တွေကြားမှာ

အမျိုးဂုဏ်ပျောက်သွားမှာ စိုးကြ။

 

ဘယ်နေရာ ဘယ်ရောက်ရောက်

စည်းမပေါက်ခြင်းသည်သာ

မိုးခါးရေ မသောက်ခြင်းသည်သာ

ထနောင်းရိပ်ညို ကွန်းခိုစဉ်ခဏ

သောက်ခဲ့ရတဲ့ ရေချမ်းစဉ် သတိရ

အေးမြစေလိုတဲ့ စိတ်သာ

အဓိကဆိုတဲ့အကြောင်း… ။