(၂၀)
မောင်ထိန်လင်း(မြို့သာ)…………. ကွမ်းကြိုက်တဲ့ မြို့
စံတော်ချိန်(၁၄.၁၀.၂၀၁၆)
ရွှေမပါတဲ့ ရွှေမြန်မာတွေ ရွှေဆိုင် မပိုင်နိုင်တော့
ကွမ်းယာဆိုင်လေးတွေ
လမ်းဘေးတွေ၊ လမ်းထောင့်တွေ၊ လမ်းချိုးတွေမှာ
မိုးဦးကျ မှိုတွေပွင့်သလို အစီအရီ
တလမ်းလုံးနီနေကြတယ်။
လှချင်လျှက်နဲ့ ကျောက်ပေါက်မာ ဖျက်သလို
ကိုယ့်လူတွေက ဖျက်
ဧည့်သည်တွေက ဖျက်
မြို့ခံတွေက ဖျက်
မြို့စံတွေက ဖျက်
အိမ်သာထရံပျက်သလို ဟောင်းလောင်းပေါက်နဲ့
မြို့တော်ဟာ နောက်ကောက်ကျခဲ့တယ်။
ကားပေါ်က လူက ဆိုင်ကယ်သမားကို မကြည့်
ဆိုင်ကယ်သမားက လမ်းသွားသူကို မကြည့်
လမ်းသွားသူက လျှောက်တဲ့ လမ်းကို မကြည့်
ကတ္တရာလမ်းက အမှိုက်ပုံးကို မကြည့်
အမှိုက်ပုံးက စည်ပင်ကို မကြည့်
စည်ပင်က မြို့တော်ကို မကြည့်
ဒါနဲ့ ယဉ်ကျေးမှုက ဒီမြို့ပေါ်မှာ မရှိတော့ဘူး။
အဲလို မြို့ဆန်တဲ့ လမ်းပေါ်
ကွမ်းတံတွေးတွေ ထွေးချင်တိုင်းထွေးတာဟာ
ဘယ်သူ ဘယ်ဝါ မပြနိုင်လို့လား
မနေနိုင်လို့ စားတဲ့ကွမ်းဟာ
မြို့တော်ကို လွမ်းနာကျစေတယ်လို့ မသိတာလား
အသိတရားမရှိ ဗရမ်းပတာနဲ့
ခင်ဗျားတို့ချစ်တဲ့ မြို့ဟာ
မနှစ်မြို့စရာ
ပသာဒကင်းမဲ့လာပြီ။
မန္တလေးဆိုတဲ့ နာမည်တလုံးနဲ့
လူအားလုံးကို သိမ်းကြုံးစီးဝင်စေတဲ့ မြို့ကြီး
အခု၊ ကွမ်းတံတွေးစီးကြောင်းထဲမှာ အသက်ငင်နေလေရဲ့။
မောင်ထိန်လင်း(မြို့သာ)
၎၊ ၁၀၊ ၂၀၁၆
ကဗျာစံကျောင်း 